Zyrtare | Gareth Southgate nuk është më në krye të Anglisë, “divorci” pas 8 vitesh në krye të “Tre Luanëve”

Tashmë është zyrtare, Gareth Southgate nga sot nuk është më trajneri i kombëtares angleze. Një lajm që pritej, sidomos pas disfatës së dytë rradhazi në finalen e së djelës ndaj Spanjës. Ka qenë vetë federata angleze që nëpërmjet një postimi, ka lajmëruar përfundimin e aventurës së Southgate tek “Tre Luanët”, pas 8 vitesh. 

“Si anglez, ishte një nder për mua të luaja fillimisht për Anglinë e më pas të isha në rolin e trajnerit. Për mua kjo do të thotë gjithçka. Por është koha për ndryshim dhe për të shfletuar një kapitull të ri”, thuhet në deklaratën e Southgate.