ZNAM propozon Fikov dhe Minçev për ministra të Drejtësisë dhe Administratës Publike

Igor Fikov është kandidat i Lëvizjes ZNAM për ministër të Drejtësisë, ndërsa Goran Minçev është kandidat për ministër të Administratës Publike. 

Emrat e anëtarëve të qeverisë së re nga partia e Maksim Dimitrievskit u përcaktuan në seancën e sotme të Bordit Qendror të partisë, ndërsa më pas në një konferencë për media i bëri të ditur zëdhënësi i ZNAM-it, Nikolla Memov.

Ai tha se negociatat me partnerët e koalicionit në qeverinë e ardhshme vazhdojnë për dy pozita zëvendësministrash, por ende nuk janë përcaktuar.

Gjithashtu, ZNAM do të negociojë për pozicione në eshalonin e tretë, pra për poste drejtoresh.