36
Roma kërkon Edon Zhegrovën. Skuadra italiane kërkon që lojtari “dardan” të transferohet në Serie A dhe të nisë një aventurë të re në karrierën e tij.
Kjo pasi sipas mediave italiane Paulo Dybala ka disa oferta nga Arabia Saudite dhe për shkak të dëmtimeve të shpeshta, drejtuesit nuk do të bëhen pengesë për largimin e tij. Në këto kushte Zhegrova përmbush më së miri kërkesat e italianëve për të zëvendësuar kampionin e botës.
Aktualisht 25-vjeçari është pjesë e Lilles me të cilët shkëlqeu në sezonin e kaluar në Ligue 1. Palët kanë kontratë të vlefshme mes tyre deri në qershor të vitit 2026.
