30
Mesfushori i Kombëtares shqiptare, Ylber Ramadani pritet që të luajë nga minuta e parë në sfidën kundër Interit.
Trajneri Goti pritet që të bëjë disa ndryshime në krahasim me sfidën e parë ndaj Atalantës, por ky revolucion nuk e prek mesfushorin kuqezi. Ai është një lojtar i rëndësishëm dhe që ruan ekuilibrat në skuadër.
“Nuk do të shkojmë në Milano për pushime, por për t’i bërë keq Interit dhe për të provuar shanset tona. E dimë që mund t’ia dalim”, ka thënë Ramadani pak ditë më parë.
Ndërkohë që mesfushori tjetër i kuqezinjve, Medon Berisha pritet që ta nisë sfidën kundër Kristjan Asllanit nga stoli. Edhe ky i fundit nuk e ka parakaluar dot në hierarki Çalhanoglunë.
