Vrasja e Ardian Nikulaj, familja betejë ligjore deri në Angli kërkon t’i heqë statusin e azilantit 2 fiseve Haxhia-Lekstakaj

Mes përplasjeve dhe serialit të vrasjeve që ka përfshirë familjen Lekstakaj dhe Nikulaj në Lezhë, tashmë këtij konflikti i është shtuar dhe një betejë ligjore në Angli. Shkak është bërë synimi për ti hequr statusin e azilantit politik familjes Lekstakaj dhe Haxhia.

Nisma ligjore është nisur nga familjarët e biznesmenit të ndjerë Ardian Nikulaj, i cili mbeti i vrarë me 6 plumba në 19 prill 2023 në restorantin e tij në Lezhë.

Mësohet se për këtë është kontraktuar një nga zyrat e njohura të avokatisë në Londër, ku qëllimi është për marjen e hapave ligjore dhe lobuese, për heqjen e statusit të azilantit politik për familjen e Klodian dhe Elton Lekstakaj si dhe familjen e Edmond Haxhisë.

Kërkesat ligjore që mësohet të jenë drejtuar në Zyrën e Migracionit dhe në një gjykatë Angleze, vijnë me argumentin se dy familjet Haxhia-Lekstakaj edhe pse nën ruajtjen dhe besimin e shtetit Britanik, kanë marrë veprime kriminale nga Anglia në Shqipëri, duke ekzekutuar Ardian Nikulaj.

Vrau biznesmenin Ardian Nikulaj në Shëngjin, gjykata cakton ‘arrest me burg’ për Ruben Saraivan
Gjithccka duket se ka nisur pas sulmit me armë në 19 prill 2023 ndaj Ardian Nikulaj. Për vrasjen e biznesmenit policia dhe prokuroria e Lezhës, kanë identifikuar dhe arrestuar disa persona me shtetësi Angleze, Marokene, ku mes autorëve është dhe Shqiptari Edmond Haxhia.

Ky i fundit rezulton të jetë nipi i Elton dhe Klodian Lekstakaj. Pas vrasjes së Ardianit, në një atentat tjetër në 19 korrik 2023 ekzekutohet Nikolin Lekstakaj.

Ndërkohë seriali i vrasjes ka vijuar në 2 dhjetor 2023, ku gjatë një sulmi me armë mbeti i vrarë Etjan Nikulaj, djali i xhaxhait të Ardian Nikulaj. Për të dyja këto vrasje policia nuk ka asnjë person të arrestuar.

Ndërsa për ekzekutimin e Ardian Nikulaj pak ditë më parë në Shqipëri, u ekstradua marokeni, Ruben Saraiva. Ndërsa procedurat e ekstradimit nga Anglia në Shqipëri, vijojnë të jenë të hapura për Edmond Haxhia, Michael Snoë, Steven Hunt, Thomas Mithan dhe Harriet Bridgeman.