Shërbimi Korrektues i Kosovës [SHKK] ka vazhduar serinë e aktiviteteve sportive në kuadër të shënimit të 25-vjetorit të themelimit.
Sot, në Qendrën Korrektuese në Lipjan, u organizua maratona simbolike “Vrapi i Ndryshimit”, me gjatësi rreth 2.5 kilometra. Kjo maratonë kishte për qëllim promovimin e ndryshimit, integrimit dhe rehabilitimit brenda sistemit korrektues.
Gjithashtu, ajo synonte të theksonte rëndësinë e sportit si mjet për rritjen e vetëdijes dhe përmirësimin e mirëqenies fizike dhe psikologjike.
“Në këtë aktivitet morën pjesë Ministrja e Drejtësisë, Albulena Haxhiu, Drejtori i Përgjithshëm i Shërbimit Korrektues të Kosovës, Ismail Dibrani, të dënuar dhe të dënuara, si dhe përfaqësues të organizatave vendore e ndërkombëtare, ambasadave, mediave, sportit dhe muzikës. Maratona u mbështet nga Federata e Atletikës së Kosovës, duke shënuar një tjetër moment të rëndësishëm në nder të kësaj ngjarjeje jubilare. Në fund, për tri vendet e para u ndanë medalje dhe mirënjohje, duke përmbyllur aktivitetin me një atmosferë festive dhe motivuese”, thuhet ne njoftim.
Progres
