Kështu shkodranët marrin vendin e parë në pritje të Partizanit, ndërsa Skënderbeu vazhdon të mbetet në zonën e rrezikshme të klasifikimit të Superiores.
VLLAZNIA-SKËNDERBEU 2-0
14′ Balaj, 19′ Dodaj
NGJARJET KRYESORE
90’+5’ Balaj në kundërsulm humb mundësinë e artë për të shënuar golin e tretë.
90’+3’ Krasniqi provon nga jashtë zonës, Qarri grushton përsëri duke shmangur golin.
90’+1’ Një harkim nga e majta gjen në krahun tjetër Nergutin i cili gjuan me forcë, por gjen përgjigjen e Qarrit i cili grushton në këndore.
90’ Jepen 7 minuta shtesë.
87’ Delaj merr vendin e Malës së dëmtuar. Ndërsa Dodaj i bën vend Tafilit në radhët e shkodranëve.
84’ Gurishta ndëshkohet me karton të verdhë për një ndërhyrje ndaj Tajo.
78’ Qato lë fushën e lojës duke i bërë vend Grudës në radhët e shkodranëve.
74’ Momente kaosi në zonën e Vllaznisë pas një goditje këndi, me harkime e tentativa radhazi të korçarëve, ku në një gjuajtje të Krasniqit ka pretendime për penallti. Por gjyqtari bën shenjë që loja të vazhdojë.
72’ Mala driblon në zonë, gjen momentin për të gjuajtur por tentativa e tij më pas bllokohet nga mbrojtësit.
71’ Ramos i lë vendin në fushë Pecanit në radhët e ekipit korçar.
67’ Rashica mbetet lojtari më i rrezikshëm i korçarëve dhe nga e majta tenton të pasojë në qendër të zonë, por Jago mbyll mirë hapësirat dhe largon sferën.
62’ Janaqi dhe Merlim lënë fushën e lojës, duke i bërë vend Krasniqit dhe Linkoln në radhët e Skënderbeut.
58’ Edhe Rashica ndëshkohet me të verdhë pas një faulli ndaj Malës.
57’ Qato ndëshkohet me karton të verdhë për simulim pranë zonës kundërshtare.
56’ Harkim në zonë nga e djathta, Dodaj gjuan me kokë po pa shënjestrën e duhur për të shqetësuar portierin Alia.
54’ Janaqi shpërdoron një goditje dënimi nga e majta e sulmit, duke fluturuar topin larg portës shkodrane.
51’ Jago ndëshkohet me karton të verdhë pasi ndal në mënyrë të parregullt një kundërsulm.
50’ Shaqe lëshon një harkim të rrezikshëm nga e majta, sfera shkon në duart e portierit Qarri.
46’ Nis pa ndryshime pjesa e dytë e ndeshjes.
45’+1’ Mbyllet pjesa e parë me shifrat 2-0 për Vllazninë.
45’+1’ Nërguti i afrohet golit me një gjuajtje fluturimthi, që përfundon vetëm në rrjetën e jashtme të portës shkodrane.
45′ Jepet 1 minutë shtesë.
41’ Shaqe nga e majta harkon për Rashicën i cili kontrollon topin me dorë në zonë dhe ndëshkohet me faull në sulm.
35’ Shaqe provon me një driblim të gjatë të hyjë në zonë, i ndalur nga Krymi. Më pas është Nerguti i cili harkon në zonë por Jago kupton gjithçka dhe me kokë largon topin.
30’ Balaj provon me një goditje dënimi ballore, sfera kalon mbi traversën e portës mike. (VIDEO)
29’ Vangjeli i dëmtuar i lë vendin në fushë Nërgutit në radhët e Skënderbeut.
29’ Kahrimanoviç gjuan në hyrje të zonës, por sheh tentativën e tij të bllokohet nga mbrojtësit korçarë.
23’ Ulet disi ritmi i ndeshjes pas disa minutash të çmendur me situata që zhvendoseshin shpejt nga një anë e fushës në tjetrën.
19’ GOOOL VLLAZNIA! Kundërsulm perfekt i shkodranëve me Qaton i cili pason për Dodajn. Ky i fundit nuk e ka të vështirë të shënojë në portën korçare. (VIDEO)
17’ Krymi ndëshkohet me karton të verdhë te vendasit.
14’ GOOOL VLLAZNIA! Mala në të djathtën gjen hapësirë për të harkuar në qendër ku Balaj nuk gabon duke mposhtur portierin Alia. (VIDEO)
13’ Mala shfaqet në zonë në të majtën, tenton një diagonale por shumë të gabuar që kalon larg portës së korçarëve.
11’ Një top në thellësi në të majtën gjen Rashicën, ky i fundit ndalet nga Bajrami në momentin kur po futej në zonë.
8’ Një top nga e majta gjen Malën i cili gjuan direkt në portë, por shumë lehtë duke mos shqetësuar Alian.
5’ Dominim në mbajtjen e topit nga skuadra shkodrane që përpiqet të gjejë një hapësirë për të tentuar portën.
1′ Nis dueli në “Loro Boriçi”.
FORMACIONET ZYRTARE
VLLAZNIA: Qarri, Gurishta, Sala, Bajrami, Jago, Krymi, Qato, Kahrimanoviç, Mala, Balaj, Dodaj
Trajner: Tomas Brdariç
SKËNDERBEU: Alia, Vaskez, De Oliveira, Prençi, Rabiu, Merlim, Rashica, Vangjeli, Janaqi, Shaqe, Tajo
Trajner: Ivan Gvozdenoviç
PANORAMASPORT.AL
