U prangos dje, GJKKO lë në burg pjesëtarin e grupit kriminal për kalimin e paligjshëm të emigrantëve

Gjykata e Posaçme kundër Korrupsionit dhe Krimit të Organizuar ka caktuar masën e sigurisë “arrest me burg” ndaj Klodian Gjikondajt i cili akuzohet si pjesëtar i një grupi kriminal që merrej me kalimin e paligjshëm e emigrantëve.

40 vjeçari me banim në Vlorë, u arrestua ditën e djeshme (1 shkurt) nga policia e Vlorës. Ndaj tij rëndojnë akuzat për veprat penale “Ndihma për kalim të paligjshëm të kufijve”, ”Grupi i strukturuar kriminal” dhe “Kryerja e veprave penale nga organizata kriminale”.