Suedia “nuk e përjashton” dërgimin e trupave paqeruajtëse në Ukrainë, njofton qeveria

Suedia “nuk e përjashton” dërgimin e trupave paqeruajtëse në Ukrainë, njoftoi të hënën ministrja e Jashtme suedeze Maria Malmer, raporton AFP. 

“Së pari duhet të negociojmë një paqe të drejtë dhe të qëndrueshme që respekton ligjin ndërkombëtar (…). Kur ta kemi të vendosur këtë paqe, do të duhet ta ruajmë dhe për këtë Qeveria jonë nuk përjashton asgjë”, tha shefja e diplomacisë suedeze Maria Malmer në radion publike Sveriges Radio.

Stokholmi e bën këtë deklaratë pasi kryeministri britanik Keir Starmer njoftoi të dielën se është gati të dërgojë trupa në Ukrainë nëse është “e nevojshme” për të garantuar sigurinë e Britanisë së Madhe dhe Evropës