Sot pritet të dalin në protesta për rritje të rrogave për 30% rreth 4000 punonjës nëpër ministri dhe institucione tjera të sektorit publik.
Sindikata e Punëtorëve të Administratës, Organeve të Drejtësisë dhe Shoqatave të Qytetarëve (AOGJSH) apelon Qeverinë që të ulet dhe të arrihet marrëveshje që të mos ketë largim shtesë të punëtorëve nga sektori publik.
Ata thonë se janë të vetmit të përjashtuar nga rritjet e viteve të fundit. Paga bazë për këto punë, me arsim të lartë, është 26.000 denarë.
Sipas AOGJSH, punonjësit e ministrive të Kulturës, Njedisit, Bujqësisë, Vetëqeverisjes Lokale, Transformimit Digjital, Administratës Publike, Ekonomisë dhe Punës, Entit Shtetëror të Statistikave, Arkivit Shtetëror dhe institucioneve të tjera do të dalin në protestë.
