Shpërthim i kanaleve në veri, KRU “Mitrovica”: Ju lusim që të siguroni rezerva të ujit të pijës

Gazetapacenzure.com raportoi çaste më parë se kanalet e “Ibër Lepencit” në veri të vendit janë sulmuar me një mjet shpërthyes.

Kompania Rajonale e Ujësjellësit ‘Mitrovica’, ka njoftuar se është ndërprerë furnizimi me ujë të pijes, si pasojë e dëmtimit të një pjesë të kanalit të Ibër Lepencit.

Ndërsa kanë kërkuar nga qytetarët që të sigurojnë rezerva të ujit të pijes.

“Të nderuar konsumatorë,Si pasojë e dëmtimit të një pjese të kanalit të Ibër Lepencit, nga i cili kanal ne furnizohemi me ujë të pa përpunuar, është ndërprerërë furnizimi me ujë të pijes. Prandaj, ju lusim që të siguroni rezerva të ujit të pijës.

Për çdo zhvillim të ri ne do u mbajmë të informuar. Ju faleminderit për mirëkuptimin tuaj!”, thuhet në njoftim.