Sekretari i Përgjithshëm i NATO-s, Mark Rutte, i kërkoi komunitetit ndërkombëtar që të “ndalojë së shqetësuari për një presidencë të Trump” dhe implikimet e saj për luftën në Ukrainë.
“Ai e kupton plotësisht dhe pajtohet me mua se kjo luftë ndaj Ukrainës nuk ka të bëjë vetëm me Ukrainën, ka të bëjë edhe me sigurinë e ardhshme të Shteteve të Bashkuara”, tha ai gjatë një vizite në Londër.
Rutte theksoi se ai personalisht “nuk është i shqetësuar” për një fitore të Trumpit.
Komentet e tij mund të nxisin mosbesim në disa kryeqytete evropiane.
Trump ka refuzuar të thotë nëse dëshiron që Ukraina të fitojë luftën e saj me Rusinë, në vend të kësaj duke argumentuar se ai do të gjente shpejt një fund të negociuar të konfliktit.
Komentet e Rutte erdhën teksa ai mori pjesë në një bisedime trepalëshe me presidentin ukrainas, Volodymyr Zelenskyy, dhe kryeministrin britanik, Keir Starmer, në Downing Street nr.
Pas takimit, Rutte u tha gazetarëve se do të jetë “në dorën e aleatëve individualë” të vendosin nëse do të miratojnë përdorimin e raketave me rreze të gjatë për të goditur objektivat brenda Rusisë, siç ka kërkuar prej kohësh Zelenskyy.
