Administrata e Presidentit Donald Trump e ka bërë të qartë që në fillim se SHBA-ja po ndryshon kursin e saj në strategjinë ndaj Ukrainës — me Sekretarin e sapo konfirmuar të Shtetit, Marco Rubio, që të martën u bëri thirrje të dyja palëve të “japin diçka” për t’i dhënë fund konfliktit.
“Presidenti tha gjatë fushatës së tij, se ai dëshiron që vdekjet të ndalen. Ai dëshiron që shkatërrimi të ndalet. Mendoj se kjo është në interesin e të gjithëve,” tha Rubio, duke folur për NBC News në ditën e parë të plotë të presidencës së Trump. “A do të jetë kjo e lehtë? A do të jetë e komplikuar? Sigurisht, sepse çdo palë do të duhet të japë diçka.”
I pyetur se çfarë mesazhi do të jepte fakti nëse Rusia mund të mbajë tokën ukrainase pa pasoja, Rubio tha se vendi kishte “tashmë përballuar pasoja” në formën e sanksioneve, inflacionit dhe jetëve të humbura.
“Pra, tashmë ka pasur pasoja dhe ka pasur pasoja të tmerrshme për Ukrainën,” tha ai, duke pranuar se vendi ishte “viktimizuar” nga Rusia, por shtoi: “Në fund të fundit, realiteti është që ajo me të cilën po përballemi tani është një ngërç, një konflikt i zgjatur, një ngërç ku po i shkaktohet dëme të mëdha Ukrainës.”
Rubio refuzoi të komentonte mbi “debatet politike të brendshme” kur u pyet për faljet masive të Trump më 6 janar — dhe komentet e tij të katër viteve më parë pas sulmit ndaj Kapitolit.
Ai gjithashtu tha se ishte “e arsyeshme” që “një administratë e re në ditën e parë të saj në detyrë” të marrë “pak kohë për të shqyrtuar një çështje” si ndalimi i mundshëm i TikTok dhe të “vlerësojë të gjitha shqetësimet e sigurisë.”
