“Qeveria s’po punon për kërkesat tona, s’kemi shumë argumente të avokojmë për anëtarësim në NATO”, deklaron Hovenier

Ambasadori i ShBA-së, në Kosovë, Jefrrey Hovenier, edhe njëherë e ka ripërsëritur se Qeveria e Kosovës, nuk po i dëgjon këshillat që aleatët ua kanë dhënë.

Këto deklarata Hovenier i tha në kuadër të konferencës “Urëzimi i Ballkanit Perëndimor”. Në pyetjen për anëtarësimin e Kosovës, në NATO, Hovenier tha se ShBA-ja nuk ka arguemnte të mjaftueshme pëtr t’i bindur shtetet e tjera për integrim.

Ai e kritikoi Qeverinë e Kosovës se nuk po punon për t’i plotësuar kërkesat e tyre.

“Vendimet merren me konsensus, 4 aleatë nuk e njohin Kosovën. Na duhen argumentet më të mira… 4 nga 5 shtete janë bashkuar për një iniciativë dhe kemi vijuar më tutje, do të mirëprisja shumë mundësinë për një bisedë në Bruksel për partneritetin për paqe. Në këtë moment Qeveria ime nuk ka argumente të mjaftueshme për ta argumentuar, avokuar atë anëtarësim sepse nuk ndiejmë se Qeveria po punon në kërkesat shumë të qarta për të shkuar përpara, duam ta bëjmë por duhet të arrihet”, tha ai.