Osmani ngushëllon familjarët e viktimave të tragjedisë në Cetinje

12 persona kanë vdekur, përfshirë këtu edhe autorin e krimit, pas të shtënave me armë në gjashtë lokacione në Cetinje të Malit të Zi, ditën e djeshme.

Pas këtij akti ka reaguar edhe presidentja Vjosa Osmani.

Ajo ka thënë se Kosova solidarizohet dhe shpreh ngushëllime për familjet e personave që kanë mbetur të vdekur nga ky krim.

“Në këtë kohë të vështirë për Malin e Zi, ne solidarizohemi dhe shprehim ngushëllimet tona të përzemërta për familjet që kanë humbur të dashurit e tyre pas të shtënave tragjike në Cetinje. Mendimet e mia janë me të gjithë komunitetin ndërsa ata vajtojnë dhe përballen me këtë akt të tmerrshëm dhune që ka marrë kaq shumë jetë”, ka shkruar presidentja në “X”.