Një plak nga Pogradeci grabit me dhunë në Sarandë, një grua në makinë

Një burrë i moshuar i është sulur një gruaje të pafajshme dhe e ka plaçkitur atë me dhunë duke i rrëmbyer një shumë parash dhe më pas u zhduk në drejtim të paditur. 

Megjithatë, liria pas arratisë ishte çështje orësh për 61 vjeçarin Fatos Muço, sepse Komisariati i Policisë Sarandë e arrestoi atë, raporton noa.al.

Hetimi nxori se dje, në lagjen nr. 2, Sarandë, Fatos Muço nga Pogradeci ka vjedhur me dhunë një shumë parash dhe një usb nga automjeti i një shtetaseje dhe është larguar me vrap.

Në sajë të reagimit në kohë të shërbimeve të Policisë, 61-vjeçari është identifikuar dhe arrestuar.

Materialet iu referuan Prokurorisë, për veprime të mëtejshme.

Ky ishte një rast i rrallë kur edhe pleqtë përfshihen në grabitje të dhunshme.