Policia italiane la arrestuar një 64-vjeçar shqiptar, i cili ishte në kërkim për trafik ndërkombëtar droge.

Mediat italiane raportojnë se bëhet fjalë për Faslii Qibinin, i cili ndodhej në arrati që prej vitit 2011. Shqiptari duhet të vuante dënimin përfundimtar prej 22 vitesh burg për trafik ndërkombëtar droge. Qibini konsiderohet një ndërmjetës i fuqishëm i trafikut të drogës: sipas hetuesve, ai menaxhoi dhe ndërmjetësoi trafikun e heroinës midis vendit të tij të origjinës, Greqisë, Turqisë dhe Italisë Jugore, ku ai bënte biznes me Camorra, nga klani Di Lauro deri te “Nardielli”, grup kriminal nga pala Oplontine.

Qibini ishte në kërkim në të gjithë botën, por familja jetonte në Napoli, në lagjen Secondigliano, ku burri u arrestua. Në vijim të lëvizjeve dhe zakoneve të të afërmve, karabinierët kishin vënë re një rritje të shpenzimeve gjatë periudhës së Krishtlindjes, sidomos të cigareve, edhe pse askush në familje nuk pinte duhan. Shenjë kjo se cigaret ishin për dikë tjetër. Dëshira për të dalë dhe për të blerë cigare i pavarur ishte fatale për Qibinin.

Ai u rrethua nga ushtarë dhe u arrestua teksa ecte në Corso Secondigliano, ndërkohë ndodhet tashmë në burgun që ndodhet në të njëjtën lagje napolitane.