NATO mund të rrëzojë raketat ruse që afrohen shumë pranë kufijve të saj, konsideron Polonia

Dy ditë pasi Polonia raportoi një shkelje të hapësirës ajrore të saj, zv/ministri i Jashtëm në Varshavë, Andrzej Szejna, deklaroi të martën se NATO po e merr parasysh mundësinë për të rrëzuar raketat ruse që afrohen shumë pranë kufijve të Aleancës Veri-Atlantike, raporton Le Monde.

Në një njoftim të bërë të dielën, Varshava njoftoi se një raketë kryqëzuese ruse e lëshuar në orët e natës mbi qytetet në perëndim të Ukrainës kishte hyrë në hapësirën ajrore polake për 39 sekonda. Ministria polake e Mbrojtjes siguroi se Polonia ka aktivizuar të gjitha sistemt antiaeriane dhe se raketat do të ishin rrëzuar nëse do të kishte pasur edhe një shenjë të vogël se po shkonte drejt një qëllimi në territorin polak.

Të hënën, Varshava përplasi faktin që ambasadori rus në Poloni nuk i kishte përgjigjur një thirrjeje zyrtare në Ministrinë e Jashtme polake në lidhje me ngjarjen.

Të martën, zv/ministri i Jashtëm polak, Andrzej Szejna, tha për stacionin lokal të radios RMF24 se pas ngjarjes, “në kuadër të NATO-s janë analizuar koncepte të ndryshme, duke përfshirë rrëzimin e këtyre raketave kur janë shumë afër kufijve të NATO-s”.

“Por kjo mund të bëhet vetëm me miratimin e pjesës ukrainase dhe duke marrë parasysh pasojat ndërkombëtare”, shtoi Szejna.

Ministri i Jashtëm polak, Radoslaw Sikorski, diskutoi këtë çështje me sekretarin e përgjithshëm të NATO-s, Jens Stoltenberg. Gjatë bisedës telefonike të tyre, Stoltenberg “rizbatoi se NATO ka rritur kujdesin e tij në mënyrë të konsiderueshme dhe ka përforcuar pozitat e tij në krahun lindor të Aleancës, veçanërisht në Poloni”, deklaroi të martën një zyrtar i lartë i NATO-s.