20
Veldin Hodza është kthyer në hero sot te Rubin Kazan. Mesfushori me origjinë shqiptare shënoi dy gola për klubin rus, që fitoi 1 me 2 në transfertën e Orenburg.
Ndeshja ishte e vlefshme për javën e 13-të të Premier Ligës ruse. Pjesa e parë u mbyll në disavantazh nga Rubin Kazan.
Në të dytën ishte Hodza që mendoi për të përmbysur gjithçka. Mesfushori shqiptar, që ka luajtur me moshat e Kroacisë, barazoi me fillimin e pjesës së dytë.
Goli i përmbysjes erdhi tre minuta para fundit të kohës së rregullt. Kujtojmë se në sfidën e ditës së sotme ishte titullar dhe Mirlind Daku.
