“Kryeministri i parë shqiptar në Maqedoninë e Veriut” – Për dallim nga Kurti, Edi Rama i gëzohet arritjes historike të shqiptarëve

Kryeministri Edi Rama ka reaguar në rrjete sociale pasi Talat Xhaferi u bë kryeministri i parë shqiptar në Maqedoninë e Veriut.

Për dallim nga Albin Kurti, Edi Rama i është e gëzuar arritjes historike të shqiptarëve në Maqedoninë e Veriut.

“Ali Ahmetit mund t’i bëhen kritika plot brenda vendit, sepse është e drejta dhe detyra e kujtdo që është në opozitë të kërkojë më shumë nga kushdo që është në pushtet… Por çka ka bërë Ali Ahmeti me pushtetin për përparimin e të drejtave të shqiptarëve në shtetin fqinj, e për afirmimin e tyre si qytetarë të barabartë të Republikës së Maqedonisë së Veriut është një leksion historik për të gjithë ne dhe brezat që vijnë! E duke parë foton bashkëngjitur të një momenti historik në rrugën e bashkësisë shqiptare, m’u kujtua fjala e mençur e një politikani të madh, “Djemtë e duan pushtetin për t’u njohur nga të tjerët, kurse burrat për të bërë për të tjerët”; kjo do të ishte diçiturë perfekte për këtë foto”, shkruan Rama në X.

Kurse, kryeministri i Kosovës, Albin Kurti ka dal kundër kësaj arritje të shqiptarëve.

Kurti po e mbështet opozitën që po e kundërshtojnë këtë arritje historike.

Pavarësisht këtij momenti historik nëpër të cilin po kalojnë shqiptarët me rol shtetformues në Republikën e Maqedonisë së Veriut, kryeministri i Kosovës, Albin Kurti, i cili gjatë opozitarizmit të tij kapej rreth ideve për avancimin e çështjes kombëtare shqiptare në rajon, as kësaj radhe nuk është pozicionuar në mbështetje të realizimit të kësaj arritjeje historike.

Në vend se t’i shërbejë unifikimit të spektrit politik shqiptar në Maqedoninë e Veriut, Kurti po e bën të kundërtën. Ai është pozicionuar qartë politikisht, pikërisht në mbështetje të tri partive politike shqiptare që përbëjnë Lëvizjen Evropiane për Ndryshim (LEN), deputetët e të cilave nuk do të marrin pjesë në seancën për votimin e Qeverisë me kryeministër një shqiptar, Talat Xhaferin, ish-komandant i UÇK-së. /Demokracia.com/