Kostumi i veshur nga Dmitri Medvedev, objekt i shakave në internet

Ish-presidenti i Rusisë, Dmitri Medvedev, ka qenë objekt i shakave për shkak të kostumit që ka veshur gjatë një fjalimi në të cilin ka ripërsëritur narracionin e Kremlinit, se Ukraina në fakt është Rusia
Kostumi i zgjedhur nga Medvedev ka qenë objekt i shakave në rrjetet sociale. Ky është i ngjashëm me një kostum të veshur më parë nga kandidateja demokrate për presidenten e SHBA-ve, Hillary Clinton. “Kujt i shkon më mirë?” pyeti një përdorues i rrjetit X, i cili postoi imazhe të dy personave.
Përdorues të tjerë të rrjeteve sociale krahasuan kostumin e veshur nga Medvedev me atë të një personazhi të rreme të interpretuar nga Mike Myers në serinë e filmit Austin Powers, Dr. Evil. Për shumë persona, megjithatë, kostumi i zgjedhur nga Medvedev është i ngjashëm me atë të disa diktatorëve të njohur si Mao ose udhëheqësit koreano-veriorë nga dinastia Kim. Në një forum televiziv për të rinj, organizuar në Soci, Medvedev foli për luftën, para një harte të shqyer të Ukrainës dhe të ndarë ndërmjet Rusisë, Polonisë, Hungarisë dhe Rumani. “Ukraina është, pa dyshim, Rusia,” tha Medvedev gjatë paraqitjes së tij në emisionin televiziv në Rusi. “Territoret në të dy anët e lumin Nipr janë pjesë e kufijve strategjikë të Rusisë,” shtoi ai, si anëtar i këshillit të sigurisë të Rusisë. Harta që shfaqet në skenë, pas Dmitri Medvedev, është e njëjta që është publikuar në verën e 2022 në llogarinë e tij të Telegramit, dhe ka thënë se harta është krijuar “nga analistët perëndimorë”.