Kokainë me logon “KF Tirana”, bien në pranga tre shqiptarë në Itali

Një operacion i madh anti-drogë në Itali është finalizuar me arrestimin e 3 shtetasve shqiptare. Plot 172 kilogramë kokainë janë sekuestruar.

Çfarë bie në sy nga pakot e kokainës është paketimi i tyre, disa prej të cilave mbanin logon e “KF Tirana”.

Shtetasit që kanë rënë në pranga janë pa precedentë të mëparshëm penalë. Bëhet fjalë për vëlla dhe motër të lindur në vitin 1997 dhe 2004, si dhe një tjetër individ i lindur vitin 1982.

Gjithçka u zbulua nga policia në Bolonja dhe Modena, të cilët më 6 shkurt ndaluan kamionin që mbante gjithë ngarkesën.