DASHI
Duhet patjetër të përshtateni me situatat që do iu vijnë sot dhe të mateni me fjalët. Vetëm po e kontrolluat veten gjërat do iu ecin mirë. Nëse jeni në çift bëni kujdes nga keqkuptimet që mund të lindin dhe mundohuni që t’i shmangni ato sa të mundeni. Kontrolloni xhelozinë dhe përballuni me problemet me qetësi, duke kërkuar respekt. Nëse jeni Beqarë, do të ndjeni nevojën për të reflektuar për jetën tuaj të dashurisë: do kaloni më shumë kohë vetëm sesa në shoqëri. Në disa momente do të jeni nervoz: shmangni shumë angazhime, por përqendrohuni në gjërat thelbësore. Në punë do e zgjeroni edhe më shumë e veprimit dhe do shtoni përpjekjet. Vërtet mund të lodheni pak, por arritjet do jene më të mëdha dhe do ua bëjnë më të lehtë të ardhmen. Në planin financiar nuk do i zgjidhni ngadalë problemet, por do kërkoni zgjidhjen e menjëhershme. Kërkoni ndihmë nëse ju duhet.
DEMI
Sot duhet t’i ruani pikëpamjet që keni edhe sikur të mos iu pëlqejnë atyre që iu rrethojnë. Do e shihni që vendosmëria dhe bindja në vetvete do iu bëjë më të pëlqyer më pas. Nëse jeni në çift marrëdhënia juaj do jetë e qëndrueshme megjithëse pa shumë pasion siç pritej. Nëse jeni Beqarë, do të dëshironi të revolucionarizoni jetën tuaj, duke eksperimentuar me eksperienca të reja, ndoshta duke takuar njerëz të cilëve mund t’u lidhni kohën dhe interesat tuaja. Mos kini frikë të dilni nga guaska juaj tepër mbrojtëse. Shumë herë jeni përballur me situata të papritura, të cilat në disa raste fillimisht ju vënë në provë, por gjithmonë keni gjetur hapin e duhur për t’i kapërcyer. E Njëjta gjë do të ndodhë dhe sot. Sipas Horoskopit, në punë duhet të bëni pak më shumë durim për të zgjidhur problemet dhe për të hedhur hapat e duhura. Nëse ju bëhet një propozim shqyrtojeni me kujdes para se të jepni përgjigjen përfundimtare. Në planin financiar do ndërmerrni një strategji afatgjatë për të rregulluar të gjitha problemet.
BINJAKËT
Mos kërkoni për asnjë çast të bëni diçka me forcë apo inat sot, sepse gjërat mund t’iu dalin tërësisht jashtë kontrollit. Nëse keni një lidhje gjërat nuk do iu ecin aspak mirë. Bashkëpunimi i kohëve të fundit rrezikon të prishet dhe në inat e sipër mund të thoni gjëra të gabuara. Nëse jeni Beqarë, njohjet e reja (disa me sfond sentimental) mund të kenë implikime të këndshme. Dita do të karakterizohet nga energji pozitive, e cila do ju bëjë krenarë dhe të motivuar. Së shpejti do të gjeni atë që dëshironi. Në punë do jeni shumë të kujdesshëm dhe do merrni vendimet e duhura. Mund të mendoni edhe për një punën tuaj pasditeve, e cila do iu japë një dorë. Në planin financiar është e nevojshme pak maturi. Buxheti nuk do jetë i keq, por po patët tendencë të shpenzoni shumë do keni probleme.
GAFORRJA
Yjet do i keni kundër gjatë kësaj dite dhe vetë nuk do mundi dot ta organizoni si duhet jetën. Në shumë momente do ju lindin edhe debate me ata që keni pranë. Plutoni do ndikojë negativisht në lidhjen tuaj dhe mund të keni probleme me partnerin. Mendohuni mirë dhe gjeni shkaqet e këtyre problemeve. Nëse jeni Beqarë, do jeni në lëvizje, do merrni lajme të rëndësishme dhe do keni takime interesante. Flirtimi dhe rrahjet e zemrës mund të kthehen në diçka domethënëse. Hëna do t’ju shtyjë të hetoni dhe analizoni një ngjarje të fundit. Përdorni logjikën dhe prakticitetin në kryerjen e detyrave të përditshme. Nëse jeni në kërkim të një pune, mos aplikoni në vende ku keni qenë edhe më parë sepse nuk do merrni përgjigje pozitive. Nëse keni një punë të qëndrueshme do jetë një ditë e zakonshme. Me financat çdo gjë do jetë ndryshe. Do kaloni çdo pengesë dhe buxheti do jetë i mirë.
LUANI
Sot do jeni në formë të shkëlqyer dhe kjo falë Marsit. Dinamizmi dhe humori i mirë do ju shoqërojë çdo çast. Nëse jeni në një lidhje nuk do keni asnjë problem me partnerin. Fantazia do ju ndihmojë të kaloni disa momente shumë romantike së bashku. Përfitoni sa më shumë. Ju beqarët do flirtoni më tepër sesa duhet por përsëri nuk do e gjejnë atë qe po kërkoni. Dikush po ju vështron prej kohesh, por nuk ka gjetur momentin për t’ua thënë. në punë ndryshimi do ju tundojë, megjithatë mirë është të mos tregoheni impulsivë dhe të mos hidhni hapa pa qenë plotësisht të bindur. Suksesi do vijë tek ju në planin financiar. Përfitoni nga kjo ditë.
VIRGJËRESHA
Yjet do e ndryshojnë vizioni me të cilin ju e shihni jetën. Shumë gjëra do jenë ndryshe sot. Nëse keni një lidhje, Planetët do e mbrojnë mjaft marrëdhënien tuaj dhe ju do kaloni një ditë të qetë. Merreni me optimizëm të ardhmen dhe gjithçka do shkojë ashtu si doni. Ju beqarët nuk duhet të ëndërroni shumë edhe pse mundësitë për të filluar një histori dashurie romantike do jenë të mëdha. Sa më me këmbë në tokë të qëndroni aq më mirë do jetë. Në punë do josheni nga mundësitë që do iu jepen për ndryshime rrënjësore. Pavarësia është ajo që iu pëlqen më shumë se çfarëdo. Financat do jenë të paqëndrueshme. Tregohuni të matur nëse doni t’ju mbeten pak lekë në xhep.
PESHORJA
Gjatë kësaj dite nuk do ketë të pamundura për ju dhe do luftoni fort për të arritur atje ku dëshironi. Nëse jeni në një lidhje duhet të jeni më të kuptueshëm dhe më tolerantë me partnerin. Këto janë bazat për të pasur një jetë të mirë në çift. Nëse jeni Beqarë, nuk keni arsye të dyshoni: deklaratat e respektit dhe besnikërisë që do të merrni do të jenë të vërteta. Kjo ditë do të jetë e ekuilibruar, shpërblyese për marrëdhëniet e dashura, falë edhe ndihmës së një miqësie të kujdesshme. Në punë do jeni më profesionistë dhe do i hidhni hapat një e nga një. Shefat do iu besojnë edhe çështje jetike. Sipas Horoskopit, në planin financiar duhet të tregoheni serioze. “Shtrëngojeni pak rripin” dhe mos bëni shumë shpenzime për të mos pasur pasoja as më vonë.
AKREPI
Miqtë do ju stimulojnë të bëni gjëra të ndryshme sot në mënyrë që të përjetoni edhe më shumë kënaqësi. Do ndiheni plotësisht të lirë dhe të përmbushur në shpirtt. Jeta juaj në çift do shkojë gjithmonë e më mirë. Kujdes duhet të bëni me ndryshimet e menjëhershme të cilat nuk do i pëlqejnë dhe aq shumë partnerit tuaj. Nëse jeni Beqarë, duke i drejtuar me inteligjencë situatat kritike, do të mund të shmangni të gënjeni veten. Duke pasur parasysh performancën e dobët të qiellit, këshillohet të keni kujdes në çdo gjë që bëni. Pajisuni me këmbëngulje, duke qëndruar të vendosur në pozicionin tuaj dhe Mos e humbisni asnjë çast shpresat. Në punë nuk do ecni para me ritme të shpejta, megjithatë në tërësi gjërat do ju ecin si duhet. Nëse do ju duhet të bëni ndonjë investim, mendohuni mirë sepse financat nuk do jenë shumë të mira.
SHIGJETARI
Marsi dhe Venusi do iu japin krahë gjatë kësaj dite. Do doni të argëtoheni sa më tepër pa i marrë gjërat shumë seriozisht. Nëse keni një lidhje do jeni me entuziastë dhe më të dashuruar se kurrë. Mund të merrni telefonata, mesazhe të ëmbla, por edhe surpriza fantastike nga ai që keni në krah. Do ndiheni vërtet të përmbushur. Nëse jeni Beqarë, Hëna tek Ujori do ju ngjall besim dhe do ju ndihmojë të qetësoni disa situata të komplikuara. Do të jeni të gatshëm të dëgjoni dhe të ndihmoni ata në nevojë, duke demonstruar ndjeshmëri të madhe. Nuk do ju mungojnë mundësitë për njohje, por do preferoni të prisni edhe pak kohë. Në punë nuk do fokusoheni mjaftueshëm tek ato që duhet të bëni pasi do jeni të angazhuar me diçka tjetër. Sektori i financave do bëhet edhe më delikat deri në fund të ditës. Do jeni të pandërgjegjshëm me shpenzimet dhe do bëni gabime të shpeshta.
BRICJAPI
Yjet do mundohen t’ua ndryshojnë jetën sentimentale dhe profesionale sot. Mund te bëni edhe zgjedhje të rëndësishme, por do ju duhet patjetër ndihma e dikujtt. Marsi do t’iu bëjë më të lumtur. Nëse jeni në çift mund të keni një darkë romantike dhe me qirinj. Nëse po përjetoni një histori dashurie sekrete dhe delikate ka ardhur momenti ta bëni të ditur. Për ju beqarët pritet një dashuri e bukur që do ndryshojë gjithçka. Në punë një koleg i vjetër do jetë mbështetje shumë e fortë. Ai gjithashtu do ju nxitë të jeni edhe më krenarë për veten. Në planin financiar mos iu besoni propozimeve që janë shumë të bukura për të qenë të vërteta. Duhet të tregoheni vigjilentë dhe mosbesues.
UJORI
Hëna në shenjën tuaj dhe shumë pozitivitet në dashuri. Prandaj do të jetë një ditë kushtuar dashurisë dhe ndjenjave të sinqerta. Një goditje e fatit mund t’ju udhëheqë, duke gjetur mënyra alternative dhe emocionuese për të kënaqur partnerin tuaj ose për të ringjallur një marrëdhënie të lëkundshme. Sentimentalisht do jeni plot energji pozitive, duke transmetuar gjallëri në lidhje. Do të inkurajoni pjesëmarrjen e partnerit në planet tuaja të jetës, duke marrë këshilla të vlefshme. Ju beqarët do merrni një dhuratë nga yjet. Mundohuni që të bëni kujdes me atë që do zgjidhni për të mos pasur probleme më vonë. Jeta profesionale do përparojë goxha. Do jeni shumë të kujdesshëm dhe asgjë nuk do ju ndalë për të arritur atë që keni programuar. Sot pritet që situata financiare të përmirësohet. Mund të bëni investime afatshkurtra dhe transaksione financiare të frytshme. Me pak fjalë do keni fat.
PESHQIT
Hëna do ju nxitë të keni edhe më shumë besim tek vetja gjatë kësaj dite dhe me maturi dhe delikatesë do zgjidhni çdo lloj vështirësie që do iu dalë. Rutina do jetë armiku më i keq i jetës në çift. Do doni me gjithë shpirt të ndryshoni gjithçka për të përjetuar emocione dhe nëse do ju jepet mundësia për ndonjë aventurë do e keni të vështirë t’i rezistoni tundimit. Ju beqarët do keni dashuri me shikim të parë. Nuk do e dëgjoni arsyen, por do bëni çfarë ju thotë zemra. Përgatitni një takim me miqtë për fundjavë; Të qenit në shoqëri do t’ju ndihmojë të hidhni çdo problem pas krahëve. Në punë do jepni çdo gjë nga vetja juaj për të arritur atje ku keni dashur. Në fakt të gjithë do ju vlerësojnë për aftësitë që keni dhe për këmbënguljen. Financat do fillojnë të rriten dhe kjo si pasojë e një çmimi që ju mund të merrni. Përfitoni sa më shumë.
