11
Presidenti Bajram Begaj ka reaguar lidhur me hapjen e grup-kapitullit të 6 në negociatat për anëtarësim të Shqipërisë në Bashkimin Europian.
Duke përshëndetur hapjen e grup-kapitullit të gjashtë të negociatave për anëtarësimin e Shqipërisë në Bashkimin Evropian, vendim i marrë sot në Konferencën e Tretë Ndërqeveritare Shqipëri-BE, të mbajtur në Bruksel, Presidenti vlerëson se një vendim i tillë afron hyrjen e Shqipërisë në Bashkimin Evropian.
“Përshëndesim hapjen e negociatave për grup-kapitullin e gjashtë.
Vendimi i sotëm dëshmon për ecurinë e sigurt të Shqipërisë drejt anëtarësimit në një të ardhme të afërt në BE”, shkruan Begaj në rrjetet sociale.
