“Hakmarrja” ukrainase në Kursk, Gjermania mohon të jetë informuar nga Kievi para sulmit ndaj Rusisë

Ukraina i ka mbajtur të fshehta planet e saj për një inkursion në Rajonin Kursk të Rusisë, ka thënë zëvendës zëdhënësi i qeverisë gjermane. Wolfgang Buchner u shpreh të hënën se asnjë nga mbështetësit e Kievit nuk ishte informuar paraprakisht për planin e Ukrainës për të sulmuar territorin rus. 

“Ka informacion kontradiktor dhe nganjëherë të shtrembëruar qëllimisht rreth operacionit, i cili me sa duket është përgatitur shumë fshehurazi dhe pa reagime,” tha Buchner në një konferencë për shtyp.