12
Ish-mbrojtësi i Kombëtares shqiptare, Herdi Prenga festoi triumfin tepër të rëndësishëm që skuadra letoneze e RFS arriti mbrëmjen e sotme duke u kualifikuar në grupet e Ligës së Europës.
Ekipi i 29-vjeçarit shqiptar arriti të kualifikohej me 11-metërsha ndaj APOEL Nikosias. Koha e rregullt përfundoi me rezultatin 2-1 për vendasit, ndërkohë që RFS kishte triumfuar me të njëjtin rezultat në duelin e parë.
Për sa i përket 11-metërshave, ekipi i Prengës u tregua më i saktë nga pika e bardhë me mbrojtësin shqiptar që gjuajti penalltinë e tretë, duke e kthyer në gol me mjaft vlera.
