Eksperti i IT thotë se ligji nuk trajton disa shkelje, shumë personazhe po shkatërrojnë jetë përmes ‘TikTok’-ut

Eksperti i teknologjisë Besmir Semanaj, përmes një komunikimi të drejtpërdrejtë në studion e “Open” në News24 ka folur në lidhje me legjislacionin rreth rrjeteve sociale pas incidenteve të krijuara nga to.

Semanaj u shpreh se në Shqipëri nuk po vrasin rrjetet sociale, por mungesa e legjislacionit, duke shpjeguar se ka vetëm një ligj të vitit 2002, të përmirësuar 7 vite më vonë.

Ai zbuloi se vepra si vjedhja e identitetit apo shantazhi nuk trajtohen nga legjislacioni.

Sipas tij nëse një specialist i Policisë së Shtetit do të hynte në TikTok për 10 minuta do të zbulonte dhjetëra persona që “e kanë vendin pas hekurave” dhe jo në rrjetet sociale.