Egnatia ka mposhtur Laçin me rezultatin 1-0.
Takimin e vlefshëm për javën e 20-të e vendosi goli i Bakajokos në minutën e 90-të. Kështu kampionët e nisën me këmbën e mbarë vitin 2025.
Një ndeshje mjaft e luftuar në Rrogozhinë. Nga pesë kartonë të verdhë akordoi Jorgji për secilën skuadër.
Pjesa e parë u mbyll në barazim 0-0. Vendasit nuk u dorëzuan dhe në sekondat e fundit të kohës së rregullt ishte Fernando që asistoi golin e fitores për Bakajokon.
Kampionët mbajnë aktualisht vendin e dytë, ndërsa Laçi qëndron në vendin e tetë.
REZULTATI PËRFUNDIMTAR
EGNATIA 1-0 LAÇI
90′ Bakajoko
NGJARJET KRYESORE:
90+7 Mbyllet ndeshja me fitoren e Egnatias, 1-0. Protesta te kryesori Jorgji nga ana e kurbinasve.
90+4′ Kasa merr vendin e Alijev. Ballhysa aktivizohet në vendin e Tresës.
90′ GOOOL! Egnatia 1-0 Laçi. Bakajoko shënon pas asistimit të Fernandos së rikthyer. Më parë ishte Ujka që la topin për Fernandon. (VIDEO)
89′ Dylis merr karton të verdhë te Egnatia për faull ndaj Traore.
88′ Leo Melo provon të shënojë në debutimin e tij me Egnatian. Topi përfundon jashtë. (VIDEO)
87′ Traore merr vendin e Bullarit te Laçi.
83′ Egnatia nuk shfrytëzon si duhet goditjen e dënimit pranë zonës kundërshtare. (VIDEO)
81′ Bullari nuk ia del të godasë. Kështu nuk shfrytëzon si duhet sulmin në mesfushën e Egnatias. (VIDEO)
80′ Melo kishte mundësi të mirë, pas gabimit të Ujkës. Ky i fundit korrigjon çdo gjë. (VIDEO)
79’ Largohet Votlai dhe aktivizohet Jahaja. Lushkja i lë vendin Leo Melos.
77′ Karton i verdhë për Melon, që shkakton faull ndaj Lushkjes. Po ashtu Kristian nga Laçi ndëshkohet për protesta.
74′ Karton i verdhë për Votlain tek Egnatia, që shkakton faull ndaj Manellarit. (VIDEO)
71′ Krosim i rrezikshëm nga Kasa në zonë. Bakajoko nuk e mbërrin me kokë. (VIDEO)
70′ Karton i verdhë për Mollën tek Laçi. Jorgji e ndëshkon për vonesa.
69′ Fernando rikthehet në fushë për Egnatian duke marrë vendin e Zejnullait.
67′ Të gjithë në këmbë tek Egnatia. Vendasit kërkojnë penallti për prekje me dorë, por Jorgji nuk është i këtij mendimi. (VIDEO)
64′ Bullari depërton bukur në zonë. Nga krahu i majtë kroson, por topi i fortë nuk mbërrihet nga askush prej skuadrës së kurbinasve. (VIDEO)
61′ Kristian mbyll mirë Kasën. Egnatia shfaqet kërkuese në këto minuta. (VIDEO)
57′ Opeh ka nevojë për ndihmën e stafit mjekësor.
52’ Zbritje e shpejtë nga Laçi me topin që është në këmbët e Melos. Ky i fundit nuk e shfrytëzon si duhet duke u ndalur nga mbrojtja kundërshtare. (VIDEO)
51’ Bakajoko shfrytëzon mundësinë e artë për të zhbllokuar sfidën. I vetëm në zonë, godet lehtë me kokë. Sfera kontrollohet nga Molla. (VIDEO)
48′ Kasa tenton të befasojë portierin kundërshtar, por pa sukses pasi topi përfundon jashtë.
46′ Nis pjesa e dytë. Tetova aktivizon Ujkën në vendin e Xhoel.
45+2′ Mbyllet pjesa e parë në barazim 0-0. Ka tension në fund. Jorgji qetëson gjithçka, ndërsa vendos të ndëshkojë me karton të kuq zëvendëstrajnerin e Egnatias, Julian Brahja. (VIDEO)
45′ Akordohen 2 minuta shtesë.
43′ Karton i verdhë për Lleshin, që shkakton faull ndaj Bakajokos.
41′ Krosimi i Lushkjas nga goditja e dënimit, largohet nga Lleshi në këndore për Egnatian. Më pas shkaktohet faull ndaj portierit Molla dhe topi rinis prej tij. (VIDEO)
38′ Jorgji këshillon Bullarin, pas tensionit që kishte me Dylys.
37′ Kasa pason për Bakajokon në zonën e mbrojtur nga Molla. Mbrojtja kurbinase tregohet e vëmendshme për të mbyllur gjithçka.
33’ Karton i verdhë për Xhemajlin, që shkakton faull ndaj portierit Molla.
32’ Goditje tjetër nga këndi. Është e teta e sfidës deri tani. 5 me 3 në favor të Laçit.
28’ Tresa pason bukur për Mjakin. Ky i fundit nuk e shfrytëzon si duhet, madje duke shkaktuar dhe faull ndaj Ndrecës. Për këtë ndëshkohet me karton të verdhë. (VIDEO)
25′ Karton i verdhë për kapitenin Fangaj, që kryen ndërhyrje të gabuar ndaj Melos.
24′ Melo provon të befasojë vendasit. Sulmuesi i Laçit lëshon një goditje nga jashtë zone, pasi lëviz mirë në krahun e majtë, por topi nuk ka koordinatat e duhura. (VIDEO)
17’ Fangaj i afrohet golit. Me një goditje brenda zonës, ishte portieri Molla që i tha “jo” mbrojtësit kundërshtar. (VIDEO)
16’ E majta e Redi Kasës shkon larg portës. Sulmuesi i Egnatias u mundua me anë të kundërsulmit, por asgjë për t’u shqetësuar në fund. (VIDEO)
12’ Sërish Laçi provon të rrezikojë në mesfushën rrogozhinase. Është Dylis që mbyll mjaft mirë në fund. (VIDEO)
10′ Goditja e katërt nga këndi për Laçin, që tregohet më kërkues në minutat e para. (VIDEO)
1′ Starton sfida!
FORMACIONET ZYRTARE
EGNATIA: Dobjani, Dylis,Votlai, Bakajoko, Lushkja, Xhoel, Ndreca, Zejnullai, Xhemajli, Fangaj, Kasa
Trajner: Edlir Tetova
LAÇI: Molla, Kurti, Lleshi, Tresa, Bullari, Manellari, Shabani, Melo, Mjaki, Opeh, Da Silva
Trajner: Françesko Moriero
