“E torturonit kur ishte në jetë, tani e torturonit pas vdekjes”, Iulia Navalnaia e akuzon Putinin se ka marrë trupin e pa jetës së bashkëshortit të saj si peng

Gruaja e opozantit të ndjerë Aleksei Navalnii, Iulia Navalnaia, e cila ka premtuar të vazhdojë luftën e bashkëshortit të saj të ndjerë në burg, e akuzon të shtunën presidentin rus Vladimir Putin se ka marrë peng trupin e pa jetë të tij me qëllim që të detyrojë nënën e tij të pranojë një varrim sekret, raporton AFP.

“Kanë kaluar nëntë ditë që nga vrasja e bashkëshortit tim nga Putin (…), por duket se nuk ka mjaftuar ta vrasë. Tani i ka marrë pjesët e mbetura, duke e poshtëruar nënën e tij, për t’i detyruar atë të pranojë një varrim sekret”, akuzon në një video, me zë dridhur, e bija e kundërshtarit numër një të Kremlin.

“Putin është (…) ai që jep urdhra, duke thënë: mos e jepni, ushtroni presion mbi nënën e tij, shkatërrojeni, thuajini që trupi i djalit është duke u dekompozuar”, vazhdon ajo.

Lyudmila Navalnaia, nëna e opozantit të ndjerë, ka tentuar – për më shumë se një javë – të marrë pjesët e djalit të saj të ndjerë më 16 shkurt në një burg në një zonë të izoluar në Arktikë, ku Aleksei Navalnii ishte i burgosur.

Ajo ka njoftuar se autoritetet kanë vendosur si kusht për ta dorëzuar trupin që varrimi të jetë sekret.

Sipas disa vëzhguesve, Kremlini frikësohet se varrimi i Aleksei Navalnii do të bëhet një ngjarje publike, në kontekstin ku në Rusi do të mbahen në mes të marsit zgjedhje presidenciale ku pritet që Vladimir Putin të triumfojë përsëri.

“Po e torturonit kur ishte në jetë, tani po e torturonit pas vdekjes”, akuzon Iulia Navalnaia në këtë video që është postuar në internet.

Presidenti rus Vladimir Putin nuk ka reaguar në lidhje me vdekjen e kritikut kryesor të tij, i cili po shërbente 19 vjet burg dhe që ka mbijetuar një helmim me noviciok që ai e akuzonte udhëheqësin e Kremlin dhe FSB-në.

Kremlini ka organizuar, sidomos pas invadimit të Ukrainës, para dy vitesh, një shtypje të pashoq ndaj të gjithë kritikëve të tij.