DOKUMENTE | Nata e ‘ngarkim-shkarkimeve’ të Kurtit, e liron nga detyra edhe një këshilltar

Kryeministri Kurti ka zgjedhur orët e vona që të bëjë rishikimin e kabinetit të tij. Para pak orëve e ka liruar nga detyra edhe një person të afërt, shkruan Demokracia.com.

Kryeministrit kosovar po i duket se nuk po i japin shumë mend këshilltarët e tij.

Edison Beciri është liruar nga posti i këshilltarit të kryeministri në orët e vona. Këtë vendim e mori sonte vetë shefi i Qeverisë. Ai thuhet se është parë duke i frekuentuar institucionet paralele nëë Kosovë dhe kjo është arsyeja e shkarkimit të tij.

“Z.Beqiri brenda 30 ditëve, nga hyrja në fuqi e këtij Vendimi, është i detyruar të bëjë deklarimin e pasurisë, pas largimit nga funksioni, në pajtim me Ligjin nr 08 /L-108 për deklarimin prejardhjen dhe kontrollin e pasurisë dhe të dhuratave”, thuhet në vendimin e marrë nga Kryeministri, të cilin e ka parë Demokracia.com.

Po gjatë ditës së sotme, kryeministri Kurti e ka punësuar edhe një muzikant.

Emërimi i Liburn Jupollit është bërë sot nga ana e Kurtit.

Muajin e kaluar, Arianit Beqiri që shihej si njëri prej njerëzve më të besueshëm të Albin Kurtit është shkarkuar prej tij në mënyrë të papritur.

Beqiri e kishte mbajtur pozitën e Asistentit të Lartë Personal të Kryeministrit.

Edhe pse Beqiri u shkarkua nga kryeministri Kurti me urgjencë, nuk dihet nëse ai u shkarkua për shkak të paaftësisë për ta kryer si duhet punën e tij apo për shkaqe të tjera. Sidoqoftë, në vendimin e Kurtit që e ka siguruar Demokracia.com, ndonëse vendimi u nënshkrua nga Kurti më 19 janar, pasi u kthye nga Davosi, aty precizohet që Asistenti i Lartë Personal i tij ishte liruar nga detyra nga data 15 janar, përkatësisht nga dita kur është shënuar përvjetori i Masakrës së Reçakut.

“z. Arianit Beqiri, lirohet nga detyra Asistent i Iartë personal i Kryeministrit. z. Arianit Beqiri i pushojnë të gjitha të drejtat dhe obligimet që dalin nga akti i emërimit, përfundimisht nga data 15/01/2024″, thuhet në vendimin e nënshkruar nga Kurti.

Tashmë stafi i Kurtit përbehet nga dhjetëra persona që janë pjesë e stafit politik dhe administrativ. Kabineti i Kurtit ka edhe rreth 15 këshilltarë. /Demokracia.com/