Burrë në gjendje kritike pasi i vuri flakën vetes jashtë gjykatës në Manhatan ku po zhvillohej gjyqi i Donald Trump | Para incidentit, ai shpërndau fletushka që përmbanin teori të konspiracionit 

Një burrë që i vuri flakën vetes para gjykatës në Manhattan, ku po zhvillohej procesi penal i Donald Trump, është në gjendje kritike, njoftoi policia, cituar nga CNN. Para se t’i vinte flakën vetes, burri shpërndau disa fletëpalosje që përmbanin teori konspirative. Policia nuk ka përcaktuar nëse incidenti ka lidhje me gjyqin e Trump. Ai tha se burri ka postuar për ngjarjen në rrjetet sociale dhe se prania e tij në internet do të jetë pjesë e hetimeve që po vazhdojnë.

Kreu i Departamentit të Policisë së Nju Jorkut, Jeffrey B. Maddrey, deklaroi se burri ndodhet në njësinë e djegies së Cornell.

Shefi i Detektivëve të NYPD-së, Joseph Kenny tha se policia nuk kishte përcaktuar nëse incidenti kishte lidhje me gjyqin e Trump. Ai tha se burri ka postuar për ngjarjen në rrjetet sociale dhe se prania e tij në internet do të jetë pjesë e hetimeve që po vazhdojnë.

Maddrey raportoi se burri hyri në një park të vendosur drejtpërdrejt përballë gjykatës ku Trump ishte në gjyq, hapi çantën e shpinës dhe nxori letrat, të cilat i shpërndau në park. Më pas i vuri vetes flakë.

Njerëzit dhe policia në zonë u përpoqën të shuanin zjarrin duke përdorur rrobat e tyre dhe aparatet e zjarrit, tha Maddrey.