BDI: Mickoski përsërit taktikat e njejta, shpikja e “armiqve” për të mbuluar paaftësinë për të udhëhequr

BDI ka reaguar në lidhje me deklararat e fundit të kryeministrit Mickoski, nga kjo parti e quajnë një taktikë të njohur të rwgjimit autoritae të dështuar, përcjellin mediumet në RMV.
“Deklaratat e fundit të kryeministrit Mickoski janë një përsëritje e një taktike të njohur nga manuali i çdo regjimi autoritar të dështuar: shpikja e “armiqve” për të mbuluar paaftësinë për të udhëhequr.
Ai nuk duhet të impresionohet me retorikën e tij, sepse kjo qasje – demonizimi i kundërshtarëve dhe fabrikimi i krizave imagjinare – është një strategji e vjetër, që gjithmonë dështon përballë realitetit.
Në përpjekje për të heshtur shqiptarët nga reagimi për degradimin e Marrëveshjes së Ohrit, Mickovski përpiqet të kërcnon me shpikje për tentativa destabilizimi nga BDI.
Në të njëjtën kohë, politikat e supozuara “anti-korrupsion” të hartuara nga pallati luksoz i partisë më të pasur në Evropë nuk janë asgjë më shumë se një mbulesë për mungesën e tij të vizionit.
Ndërsa inflacioni po rëndon çdo familje, ndërsa integrimi evropian është i bllokuar dhe ndërsa marrëdhëniet ndëretnike janë në teh, Mickoski vazhdon politikat e përçarjes dhe demonizimit.
Kjo qasje është një dëshmi e qartë e paaftësisë së tij për të udhëhequr dhe për të adresuar krizat që e kanë çuar vendin në një rrugë pa krye.
Mickoski ka më shumë se dy vite që me një fushatë dhe propagandë të egër ushqen sentimentin anti-BDI duke dashur që dështimet tre dekadëshe të shtetit që burrojnë nga korrupsioni i partive Maqedonase t’ia faturoj BDI-së dhe shqiptarëve, e me këtë të arsyetoj qasjen selektive që është duke e bërë në luftën kundër këtij fenomeni.
Qytetarët e kuptojnë se një lider që ndan dhe përqendrohet në “armiq imagjinarë” nuk është i aftë të zgjidhë problemet reale që ata përballen.
Në vend që të sjellë një perspektivë të re dhe të çojë vendin drejt integrimit evropian, Mickoski po e çon Maqedoninë e Veriut në izolim dhe regres.
BDI mbetet e përkushtuar për të mbrojtur Marrëveshjen e Ohrit, stabilitetin ndëretnik dhe të ardhmen evropiane të Maqedonisë së Veriut.
Shqiptarët dhe gjithë qytetarët do të refuzojnë politikat e përçarjes dhe do të kërkojnë një lidership që sjell drejtësi, zhvillim dhe barazi për të gjithë.
Mickoski duhet të kuptojë se qytetarët nuk mund të mashtrohen më me retorikën e tij të vjetër dhe të njohur – ata e shohin qartë se kjo është vetëm një mbulesë për mungesën e vizionit” – thuhet në reagimin e BDI-së.