Arabia Saudite pret të martën një takim ruso-amerikan për përgatitjen e një samiti Putin-Trump lidhur me Ukrainën; këshilltari për çështjet e sigurisë kombëtare Mike Waltz dhe i dërguari i posaçëm për Lindjen e Mesme Steve Witkoff pritet të përfaqësojnë SHBA.

Arabia Saudite pritet të presë të martën një takim të zyrtarëve rusë dhe amerikanë për të përgatitur një samit midis presidentëve rus, Vladimir Putin, dhe atij amerikan, Donald Trump, në lidhje me Ukrainën, deklaroi të hënën për AFP një burim i afërt me Qeverinë saudite. Këshilltari për çështjet e sigurisë kombëtare, Mike Waltz, dhe i dërguari special për Lindjen e Mesme, Steve Witkoff, do të përfaqësojnë Shtetet e Bashkuara, deklaroi i njëjti burim.