Bylis ka eliminuar Tiranën nga Kupa e Shqipërisë. Ballshiotët ia dolën të fitojnë me përmbysje, pasi fillimisht koha e rregullt kishte përfunduar 1-1. Ruçi i dha kualifikimin skuadrës së tij me golin në minutën e 113-të.
Tirana e Maganit zhbllokoi takimin në minutën e 10-të me Ernest, që e kishte golin e parë me fanellën bardheblu. Reagimi i miqve erdhi shpejt, pasi pikërisht në minutën e 22-të ishte Marku që vendosi baraspeshën.
Skuadrat patën raste të shumta për gola të tjerë, por Ruçi e kishte rezervuar në shtesë. Kështu janë të besuarit e Nevil Dedes që kualifikohen në çerekfinale, ndërsa Tirana humbet një mundësi të artë për të besuar te Europa përmes fitores së Kupës.
REZULTATI PËRFUNDIMTAR
10′ Emanuel Ernest – 22′ Marku, 113′ Ruçi
NGJARJET KRYESORE
120+3′ Mbyllet ndeshja. Bylis eliminon Tiranën nga Kupa e Shqipërisë,
120+3′ E pabesueshme çfarë humbet Prengaj. Sulmuesi i Tiranës ndalet nga portieri Hasanbelli në sekondat e fundit. (VIDEO)
120+2′ Karton i verdhë për Prengajn.
120+1′ Karton i verdhë për Hasanbelli.
120′ Akordohen 2 minuta shtesë.
118′ Dembele godet brenda zonës, por topi përfundon larg portës. (VIDEO)
113′ GOOOL! Tirana 1-2 Bylis/ Ruçi përmbys rezultatin në shtesë dhe shokon bardheblutë. (VIDEO)
112′ Karton i verdhë për Ernest te Tirana.
111′ Ofori ndëshkohet me karton të verdhë te Bylisi.
110’ Goditja e Prengajt përfundon mbi traun e portës. (VIDEO)
108′ Karton i verdhë për Abazajn te Bylis, Prengaj fiton faull pranë zonës.
107′ Karton i verdhë për Përgjonin te Bylis.
106′ Nis shtesa e dytë. Rafa debuton te Tirana duke marrë vendin e Soler.
105+1′ Mbyllet shtesa e parë pa gol.
105′ Akordohet 1 minutë shtesë.
101′ Prengaj provon fluturimthi pas pasimit të Dembele në zonë. Topi përfundon jashtë. (VIDEO)
97′ Ernest i afrohet golit të dytë, por Hasanbelli ia mohon. Më parë kishte protesta nga ana e ballshiotëve, për prekje me dorë. (VIDEO)
94′ Nervozizëm mes Berkos dhe Micit, të dy ndëshkohen me karton të verdhë.
91′ Nis pjesa e parë shtesë.
90’+5′ Mbyllet koha e rregullt!
90’+4′ Ka tension mes palëve, krysori ndëshkon me të verdhë Soler. (VIDEO)
90’+2′ Prengaj gjuan drejt portës, Hasanbelli bën heroin për Bylisin. (VIDEO)
90′ Akordohen 5 minuta shtesë.
83′ Bylisi ka mundësinë për të gjetur avantazhin, por nuk arrijnë ta shfrytëzojnë si duhet. (VIDEO)
82′ Marku dhe Mahmuti lënë fushën, zëvendësohen nga Gjata dhe Ofori.
78′ Prengaj tund rrjetën e Hasanbelli, goli anulohet për pozicion jashtë loje. (VIDEO)
72′ Sulovari mbyll ndeshje, ka minuta për Ruçin.
69′ Smaçi lë fushën e lojës për Ismajlin.
65′ Kamara pason për Sulovarin, ky i fundit e dërgon topin drejt e në duart e Selmanit. (VIDEO)
63′ Largohet Ualison, zëvendësohet nga Erik Berko.
59′ Largohen Ndreca dhe Meta në lojë futen Prengaj dhe Marku.
57′ Faull ndaj Përgjonit, Dembele ndëshkohet me karton të verdhë.
46′ Nis pjesa e dytë, Abah lë fushën e lojës, ka minuta për Micin.
45’+2′ Pjesa e parë mbyllet në baraspeshë!
45′ Akordohen 2 minuta shtesë.
43′ Gjumsi gjuan nga goditja e dënimit, Kamara e devijon topin. (VIDEO)
40′ Ballshiotët përmbysin sfidën, kryesori e anulon golin për pozicion jashtë loje. (VIDEO)
25′ Rimal Haxhiu lë fushën i dëmtuar, zëvendësohet nga Gjumsi.
22′ GOOOOL BYLIS 1-1/ Marku gjuan me kokë dhe shtang Selmanin. Rikthehet baraspesha në Vorë. (VIDEO)
18′ Arli Përgjoni shumë pranë baraspeshës, gjuan drejt portës me të majtën. (VIDEO)
13′ Mahmuti gjuan nga distanca me të djathtën, por topi pritet lehtësisht nga Selmani. (VIDEO)
10′ GOOOOL TIRANA 1-0/ Emanuel Ernest gjuan me të djathtën potente dhe kalon në avantazh skuadrën e tij duke mposhtur portierin Hasanbelli. (VIDEO)
7′ Malomo gjuan me të majtën por nuk arrin të shënjestrojë si duhet kuadratin. (VIDEO)
2′ Bylis pranë golit në fillimin e sfidës. Peralta gjuan nga jashtë zone, por është Selmani që devijon në këndore. (VIDEO)
1′ Nis ndeshja në Vorë.
FORMACIONET ZYRTARE
TIRANA: Selmani, Dembele, Soler, Abah, Haxhiu, Përgjoni, Smaçi, Ndreca, Ernest, Meta, Kola
Trajner: Gugash Magani
BYLIS: Hasanbelli, De Souza, Mahmuti, Kamara, Malomo, Sulovari, Marku, Peralta, A.Përgjoni, Abazaj, Ualison
Trajner: Nevil Dede
