Forcat izraelite të mbrojtjes (IDF) nisën dy valë sulmesh kundër objektivave Houthi në Jemen. Ushtria thotë se gjatë natës janë kryer dy valë sulmesh ajrore.
Katërmbëdhjetë aeroplanë luftarakë të IAF, së bashku me cisterna karburanti dhe avionë spiunazhi, u përfshinë në sulme.
Times of Israel raporton se ushtria ka planifikuar këto sulme për disa javë si përgjigje ndaj sulmeve të një grupi rebel të mbështetur nga Irani.
Aeroplanët luftarakë të IAF ishin tashmë në rrugën e tyre për në Jemen kur Houthit lëshuan një raketë balistike në Izrael rreth orës 2:35 të mëngjesit.
Në orën 3:15 të mëngjesit, vala e parë e sulmeve u krye përgjatë brigjeve të Jemenit, duke goditur portet e Hodeidah Ras Isa dhe Salif.
Vala e dytë e sulmeve ajrore u zhvillua në orën 4:30 të mëngjesit dhe goditi dy termocentrale në kryeqytetin Sana’a.
Houthit kanë lëshuar më shumë se 200 raketa dhe 170 dronë në Izrael gjatë vitit të kaluar. /Telegrafi/
