Egnatia i ka dhënë fund krizës së saj të rezultateve, pasi kishte tre javë pa fitore. Suksesi i rrogozhinasve ka ardhur sot pikërisht përballë skuadrës të cilën nuk e kishte mundur asnjëherë në fushën e vet, Tiranës, duke zhytur këtë të fundit edhe më thellë në luftën për mbijetesë në Superiore.
Kampionët në fuqi dominuan plotësisht takimin, duke mos qenë thuajse asnjëherë në vështirësi në prapavijë, teksa kërkuan të gjenin hapësirat për të shënuar në portën e Selmanit. Megjithatë, në fund u desh të kënaqeshin vetëm me golin e Ndrecës në pjesën e parë, që u mjaftoi për të marrë tre pikë të rëndësishme për renditjen.
EGNATIA 1-0 TIRANA
40′ Ndreca
NGJARJET KRYESORE
90’+5’ Mbyllet ndeshja me fitoren 1-0 të Egnatias.
90’+4’ Uotlai merr vendin e Lushkjes në radhët e Egnatias.
90′ Jepen 4 minuta shtesë.
90’ Kola i dëmtuar del nga fusha e lojës për t’i bërë vend Markut në radhët e Tiranës.
86’ Ndreca nga e majta pason në qendër për Vuthajn i cili dy herë radhazi nuk arrin të mposhtë Selmanin.
86’ Malota ul një top për Ndrecën por devijimi i tij kontrollohet nga Selmani.
85’ Ujka i lë vendin në fushë Ahmetajt në radhët e Egnatias.
84’ Vuthaj hyn në zonë në të djathtën, gjuajtja e tij me të jashtmen nuk kalon Selmanin i cili bllokon në dy kohë. (VIDEO)
81’ Vokrri ndëshkohet me karton të verdhë për një faull ndaj Zejnullait.
78’ Tjetër zëvendësim i dyfishtë te Tirana me Soler dhe Ndrecën të cilët i lënë vendin në fushë Tolës dhe Vokrrit.
77’ Një kthim i topit mbrapa vë në vështirësi Selmanin i cili nën trysninë e Vuthajt zgjedh të çojë topin në rivënie anësore.
73’ Vuthaj fillimisht e më pas edhe Aleksi shohin tentativat e tyre të devijohen nga mbrojtës bardheblu, duke fituar në fund një goditje këndi.
71’ Bakajoko i lë vendin Vuthajt në fushën e lojës në radhët e ekipit vendas.
69’ Abah ndëshkohet me karton të verdhë për shkak të një faulli ndaj Lushkjes.
66’ Një goditje këndi e harkuar nga Lushkja grushtohet me vështirësi nga Selmani mes dy lojtarëve të rrogozhinasve.
60’ Bajroviç dhe Ismajli i lënë vendin në fushë ,Gjumsit dhe Abah te Tirana.
59’ Fangaj në të djathtën pason për Zejnullain, i cili në vend të gjuajtjes tenton të çojë sferën te Bakajoko, i ndalur nga një mbrojtës që largon rrezikun.
56’ Tirana mundohet të krijojë një aksion nga e djathta me disa harkime radhazi në zonë, në fund është Ujka i cili ul me gjoks sferën për Dobjanin.
50’ Kundërsulm i Egnatias që gjen hapësira përsëri në krahun e majtë, Bakajoko brenda zonës provon një diagonale por nuk gjen rrjetën duke çuar topin jashtë në shtyllën e largët. (VIDEO)
47’ Aksion shpejtë i Lushkjes në të majtën, gjuajtja e tij gjen vetëm rrjetën e jashtme.
46′ Nis pjesa e dytë.
45+1′ Mbyllet pjesa e parë 1 me 0 për Egnatian.
45′ Akordohet 1 minutë shtesë.
44′ Goditje e lehtë nga Zejnullai. Kontrollon pa probleme Selmani.
40′ GOOOOL! Egnatia kalon në avantazh me Edison Ndrecën. Mbrojtësi i vendasve përfiton nga krosimi i goditjes së këndit dhe teksa porta është bosh, topi përfundon në rrjetë. (VIDEO)
38′ Lëvizje të mira nga Zharmuni, i cili megjithatë ndalet pa hyrë në zonë nga vendasit.
37′ Ndreca i Egnatias shkakton faull ndaj kapitenit Jonuzi.
31′ Zejnullai nga jashtë zone tenton golin. Selmani i thotë “jo”. Minuta të mira për Egnatian. (VIDEO)
30′ Renato Malota provon të shënojë, por Selmani mohon golin. Dembele pretendon për faull nga Bakajoko në zonë. (VIDEO)
28′ Bakajoko tenton porën me kthesë brenda zonës. Topi devijohet në këndore. (VIDEO)
27′ Faull i shkaktuar nga Soler në dëm të Bakajoko. Egnatia provon me skemë, por Zharmuni mbyll dhe topi kontrollohet nga Selmani. (VIDEO)
23′ Karton i verdhë për Lushkjen, faull në dëm të Haxhiut.
22′ Haxhiu harkon nga goditja e këndit që fitoi, lojtarët e Egnatias fitojnë topin dhe nisin aksion të rrezikshëm që nuk shfrytëzohet si duhet nga sulmi. (VIDEO) + (VIDEO)
20′ Dembele hedh një top në zonë, që përfundon te Haxhiu. Goditja e lehtë prej tij kontrollohet nga Dobjani.
15′ Ndreca provon i vetëm nga Tirana, por nuk është i qartë. Mbyllet gjithçka. (VIDEO)
13′ Këshillohet Lushkja nga Andi Koçi për faull.
7′ Ka probleme për Ndrecën nga Tirana. Sulmuesi merr ndihmën e stafit mjekësor
5′ Goditje këndi për Tiranën. Haxhiu e merr përsipër dhe pason shkurt. Topi përfundon te Jonuzi, goditja e të cilit ndalohet nga vendasit. (VIDEO)
3′ Tirana krijon aksion nga e majta, në fund lojtarët bardheblu ngatërrohen me njëri-tjetrin dhe topi kontrollohet nga Egnatia.
1′ Nis ndeshja në Rrogozhinë.
FORMACIONET ZYRTARE
EGNATIA: Dobjani, Veseli, Malota, Alijev, Fangaj, Aleksi, Zejnullai, Lushkja, Ndreca, Ujka, Bakajoko.
Trajner: Edlir Tetova
TIRANA: Selmani, Meta, Dembele, Kola, Haxhiu, Soler, Jonuzi, Ismajli, Bajroviç, Ndreca, Zharmuni.
Trajner: Bledi Shkëmbi
WhatsApp Image 2024-11-03 at 12.53.53
PANORAMASPORT.AL
