Të paktën tre persona u vranë dhe katër u plagosën rëndë, njoftoi policia gjermane pas një sulmi në një festival në qytetin perëndimor të Solingen të premten mbrëma.
Policia tha se arma e përdorur dyshohet të jetë një thikë. Asnjë arrestim nuk është bërë ndërsa policia njoftoi se kishte vendosur një “kontigjent të madh”, duke përfshirë një helikopter, për të kërkuar për sulmuesin mashkull që u largua nga vendi i ngjarjes.
Burri thuhet se i kishte goditur me thikë viktimat në qafë. Për shkak të kësaj, hetuesit e cilësojnë krimin si një sulm terrorist dhe jo më si një sulm të zakonshëm, sipas Bild.
Ministri Federal i Shëndetësisë, Karl Lauterbach tha se shpresonte se “skuadrat e shpëtimit mund të shpëtojnë të plagosurit që janë ende gjallë dhe se policia mund të kapë autorin frikacak dhe të mjerë”.
Kryeministri rajonal, Hendrik Wüst, i cili arriti në vendngjarje herët të shtunën, njoftoi më herët në X se “e gjithë North Rhine-Westfalia qëndron me njerëzit në Solingen, mbi të gjitha me viktimat dhe familjet e tyre”, tha ai, duke shprehur “mirënjohje të madhe për shpëtimtarët e shumtë dhe policinë tonë që po lufton për jetë njerëzore në këto minuta”.
Nine have been Stabbed, with at least Three having now Died, in a Mass Stabbing Attack on a Diversity Festival within the City of Solingen in Western Germany. A Manhunt has been launched by Police for the Suspect, described as a Young Arab Male, who is currently on the Run. pic.twitter.com/hkJObATMJH
— OSINTdefender (@sentdefender) August 23, 2024
Gazeta lokale Solinger Tageblatt raportoi se autoritetet i kishin kërkuar njerëzve të largoheshin nga qendra e Solingenit dhe se një nga organizatorët e festivalit, Philipp Muller, tha në skenë se punonjësit e urgjencës po luftonin për jetën e nëntë personave.
Kanali i lajmeve NTV shfaqi një video në të cilën Muller i kërkon turmës që të mos panikohet dhe të largohet nga zona me kujdes sepse sulmuesi është ende i lirë.
Dëshmitarët thanë se njerëzit qëndruan të qetë ndërsa u larguan nga vendi i ngjarjes dhe imazhet e mediave më vonë treguan ambientet bosh, përveç policisë dhe një ambulance. Punonjës policie të armatosur kontrollonin perimetrin.
Solingen ka rreth 160 mijë banorë dhe ndodhet pranë qyteteve më të mëdha të Kolnit dhe Dyseldorfit.
Sulmi erdhi mes një debati të ashpër politik mbi rritjen e dhunës me thika në qytetet gjermane.
Në muajin maj, policia gjermane qëlloi dhe plagosi një burrë që plagosi gjashtë persona në një sulm me thikë në protestat e krahut të djathtë në qytetin jugperëndimor të Manheim. Mes viktimave ishte edhe një polic 29-vjeçar, i cili u godit me thikë për vdekje. /Telegrafi/
🚨
BREAKING: AT LEAST 9 STABBED AT FESTIVAL OF DIVERSITY IN SOLINGEN, GERMANY
There are reports of multiple fatalities, though details are still emerging. Authorities are investigating the incident, and more information is expected to be released soon.
Source: BNO News, Focus pic.twitter.com/thPY1LWcIN
— Mario Nawfal (@MarioNawfal) August 23, 2024
