Komisariati i Policisë Nr.4 finalizoi operacionin policor “Rikthimi” për goditjen e veprimtarisë kriminale në fushan e vjedhjes së pronës. Me këtë rast është arrestuar shtetasi S.H., 41 vjeç, banues në Tiranë, për vjedhjen e një shumë parash dhe steka me cigare nl rrugën “Sitki Çiço”.
Njoftimi i Policisë së Shtetit, si më poshtë vijon:
“Tiranë
Finalizohet nga Komisariati i Policisë Nr. 4, operacioni policor i koduar “Rikthimi”, për goditjen e veprimtarisë kriminale në fushën e vjedhjes së pronës.
Vodhi një shumë parash dhe steka me cigare, në një market, arrestohet 41-vjeçari i dënuar më parë për të njejtën veprimtari kriminale në shtetin francez.
Specialistët për Hetimin e Krimeve të Komisariatit të Policisë Nr. 4 në vijim të punës për goditjen e veprimtarive kriminale në fushën e vjedhjes së pronës dhe për vënien përpara përgjegjësisë penale, të shtetasve që i kryejnë ato, kanë organizuar dhe finalizuar operacionin policor të koduar “Rikthimi”.
Si rezultat i tij u arrestua shtetasi S. H., 41 vjeç, banues në Tiranë, për veprën penale “Vjedhja”, parashikuar nga neni 134 i Kodit Penal, i dënuar më parë për të njejtën veprimtari kriminale në Francë.
41-vjeçari dyshohet se ka vjedhur një shumë parash dhe steka me cigare, në një market në rrugën “Sitki Çiço”.
Në cilësinë e provës materiale u sekuestruan stekat e vjedhura, një shumë parash si dhe veshje të cilat autori i dyshuar i ka përdorur gjatë kryerjes së vjedhjes.
