Liderët e Aleancës ushtarake të NATO-s do të mblidhen të martën (9 korrik) në Uashington në samitin vjetor

Takimi që përkon me 75-vjetorin e themelimit të NATO-s do të zgjasë deri më 11 korrik, e si pjesë e Samitit do të mbahet edhe aktiviteti për Gratë, Paqen dhe Sigurinë, i organizuar nga Departamenti amerikan i Shtetit, ku do të merr pjesë edhe presidentja e Kosovës, Vjosa Osmani. 

Ky samit do të jetë i fundit për Jens Stoltenberg, pasi në vjeshtë do t’ia dorëzojë detyrën kryeministrit aktual holandez, Mark Rutte.

Samiti do të fokusohet kryesisht në luftën aktuale në Ukrainë, në planet për forcimin e mbrojtjes dhe pengimin e sulmeve të armatosura.