VMRO dhe koalicioni shqiptar VLEN po zhvillojnë bisedime për formimin e qeverisë së re të Maqedonisë së Veriut, me qëllim që të përfshihen edhe parti të tjera opozitare që kanë fituar mandate në zgjedhjet parlamentare të 8 majit. Kryetari i VMRO-DPMNE-së. Hristijan Mickovski, ka thënë se pritet që konstituimi i parlamentit të ndodhë deri më 28 maj dhe pastaj të marrë mandatin për formimin e qeverisë së re, por bisedimet mund të fillojnë edhe para këtyre afateve.
Në anën tjetër, drejtuesit e koalicionit VLEN kanë shprehur se do të jenë pjesë e qeverisë së re, bashkë me VMRO-DPMNE. Ata paralajmërojnë formimin e grupeve të punës për hartimin e programit të ri qeveritar dhe të formojnë qeverinë e re.
Partitë janë duke diskutuar për integrimin e vendit në Bashkimin Evropian dhe për të drejtat e shqiptarëve, pasi rezultatet e zgjedhjeve treguan se ata kanë marrë mandatin përfaqësues të tyre. VMRO-DPMNE, sipas të dhënave preliminare të KSHZ, ka fituar 58 mandate, ndërsa koalicioni shqiptar VLEN ka fituar 13 mandate.
Ndërkohë, Lidhja Social-Demokrate (LSDM) dhe Bashkimi Demokratik për Integrim kanë pranuar disfatën në zgjedhje. Kryetari i BDI-së, Ali Ahmeti ka thënë se shteti ka nevojë për stabilitet, por nuk ka bërë komente rreth qendrimit të BDI-së në opozitë. Ndërsa kryetari i VMRO-s, Hristijan Mickovski, nuk përjashton mundësinë e përpjekjeve për destabilizim dhe thotë se do të sigurojë që institucionet të funksionojnë nëse ka protesta të dhunshme.
