Shtetet e Bashkuara të dënojnë si të “papërgjigjshme” deklaratat e presidentit rus Vladimir Putin në lidhje me “kërcënimin real” të një lufte bërthamore në rast të një eskalimi të Luftës në Ukrainë

Shtetet e Bashkuara të Amerikës dënojnë të enjten në mbrëmje si “papërgjigjshme” deklaratat e presidentit rus Vladimir Putin, i cili ka paralajmëruar Perëndimin në një fjalim në lidhje me “kërcënimin real” të një lufte bërthamore në rast të një eskalimi të Luftës në Ukrainë, raporton AFP.

“Kjo nuk është hera e parë që shohim një retorikë të papërgjegjshme nga Vladimir Putin. Kështu nuk flet një kreu shteti me armë bërthamore,” tha një zëdhënës i Departamentit të Shtetit amerikan Matthew Miller.

Presidenti rus u drejtua Perëndimit në një fjalim të mbajtur të enjten.

Perëndimorët “duhet të kuptojnë se edhe ne kemi armë të afta për të goditur objekte në territorin e tyre. Të gjitha që ata po shpikin në këtë moment, përveç se të shkaktojnë tronditje në tërë botën, është një kërcënim real i një konflikti me përdorimin e armës bërthamore dhe, pra, shkatërrimit të civilizimit,” deklaroi udhëheqësi i Kremlinit.

Zëdhënësi amerikan nënvizon se, “në të kaluarën, ne kemi komunikuar në privat dhe në mënyrë të drejtpërdrejtë me Rusinë lidhur me pasojat e përdorimit të armës bërthamore”.

“Ne nuk kemi asnjë shenjë që tregon se Rusia po përgatitet të përdorë një armë bërthamore,” njoftoi Matthew Miller.