Familja Berisha sponsorizon udhëtimet e gazetarit të BILD Peter Tiede në Tiranë?

Peter Tiede, korrespodent i gazetës së njohur gjermane “Bild” është shfaqur në Tiranë nga 17 deri më 21 shkurt, për të ndjekur protestën e opozitës. Gjatë gjithë kohës ai ka qenë nën shoqërinë e ish zëvendësministrit të jashtëm të Kosovës Gani Dreshaj, i partisë së Haradinaj, dhe një familjari të Sali Berishës, Agron Berisha.

Dreshaj, i cili duket që ka qenë dhe sponsori financiar I tij, ka mbuluar dhe fjetjen e tij në hotel Marriot në Tiranë.
Dhoma ku ka fjetur gazetari, është regjistruar me emrin e Gani Dreshaj. Ata janë parë së bashku në hollin e hotelit në datën 19 dhe 20 shkurt.

Dhoma ku rri qëndroi gazetari (Dhoma nr. 1904) rezultonte e rezervuar nga Gani Dreshaj, hyrja e të cilit në Tiranë nuk provohet nga sistemi TIMS. Pra kemi të bejmë me një hyrje ilegale. Por ai nuk ka bërë kujdes të fshihet pasi mori pjesë në protestë. Me dy pankarta në duar, ish-diplomati Dreshaj ka kërkuar lirimin e liderit të opozitës, Sali Berisha nga arresti shtëpiak i vendosur nga gjykata e dirigjuar nga kryeministri Edi Rama.

Ata janë parë po ashtu në hollin e hotelit deri vonë në mesnate natën e 19 Shkurtit, kurse më 20 shkurt në mbrëmje kanë bërë dhe një shëtitje tek pallati I Berishës, për të përshkruar dritaren nga ku Berisha i flet “xhematit” të tij çdo mbrëmje.

Me siguri Tiede do të publikoj sot ose nesër shkrimin mbi protestën, për të cilën nuk kemi ndonjë kuriozitet.
I vetmi kuriozitet është nëse ka ka raportuar redaksisë se ka fjetur në një hotel me pes yje në një dhomë të paguar nga militantë të Berishës dhe kanë qenë gjithë kohën nën kujdesin e tyre. Për një gazetë që ka zanat publikimin e skandaleve kjo ka shumë rëndësi .