“OKB, e alarmuar nga përkeqësimi i situatës në Ekuador”, thotë Guterres

Sekretari i Përgjithshëm i OKB -së Antonio Guterres dënoi fuqishëm “aktet e fundit të dhunës” në Ekuador , tha zëdhënësi i tij.

“Sekretari i Përgjithshëm është shumë i alarmuar nga përkeqësimi i situatës në vend, si dhe ndikimi i saj shkatërrues në jetën e ekuadorianëve,” u tha Stephane Dujarric gazetarëve gjatë një konference për shtyp.

Guterres i dërgon një mesazh solidariteti popullit ekuadorian, shtoi ai.

Autoritetet ekuadoriane njoftuan të mërkurën një “konflikt të brendshëm të armatosur” në lidhje me trazirat që tronditën vendin që kur Adolfo Macias, kreu i bandës kriminale Los Choneros, u arratis nga burgu ku po vuante një dënim 34-vjeçar.

Presidenti Daniel Noboa është zotuar të kundërpërgjigjet ndaj krimit në rritje, duke përfshirë kontrollin e burgjeve nga bandat, rrëmbimet e policisë dhe shpërthimet me bomba.

Kriza bëri që Noboa të shpallte një gjendje të jashtëzakonshme 60-ditore të hënën.

Dujarric tha gjithashtu se Guterres foli me telefon me Përfaqësuesin e Përhershëm të Ekuadorit në OKB Jose Javier De La Gasca Lopez Dominguez të mërkurën në mëngjes.